مالباتا وه‌داد حسێن گومان ژ لایه‌نێن په‌یوه‌ندار هه‌نه‌

نه‌وا-ئارام حسێن-دهۆك :
د رێوره‌سمه‌كی دا ببه‌رهه‌ڤبونا ژماره‌كا چالاكڤان و روژنامه‌ڤانان و كه‌س و كارێن وی دووه‌مین سالیادا تیروركرنا وه‌داد حسێن روژنامه‌ڤان و چالاكڤان ل گورستنا شاخكێ ل دهوكێ هاته‌ ساخكرن.
رێوره‌سم ب رێپیڤانه‌كێ ل ناڤ گورستنانا شاخكێ تا سه‌ر گورێ روژنامه‌ڤان وه‌داد حسێنی ده‌ست پێكر و پشتی دانانا تاجه‌ گولینه‌یان د په‌یامه‌كێ دا ده‌ربه‌ند حسێن برایێ روژنامه‌ڤانێ تیروركری راگه‌هاند كو دووسال ب سه‌ر تیروركرنا برایێ وی دا ده‌ربازبون و تانوكه‌ ده‌زگه‌هێن ئه‌منی چ تشته‌ك ئاشكرا نه‌كریه‌ ژبه‌ر ڤێ چه‌ندێ ئه‌و وان ب گونه‌هبار دزانن ژبه‌ر كو ئه‌ركێ وان پاراستنا وه‌لاتیانه‌ ل پارێزگه‌هێ و پێتڤی بو تانوكه‌ هاتبانه‌ ئاشكرا كرن و داخوازكر كو حكومه‌ت و لایه‌نێن په‌یوه‌ندیدار ب رژدی بهێنه‌ سه‌رخه‌ت و ڤێ كه‌یسێ ئێك لاكه‌ن و تاوانبارێن سه‌ره‌كی ئاشكرا كه‌ن و بده‌نه‌ دادگه‌هێ ژبه‌ركو دنوكه‌دا ئه‌و وه‌ك مالبات دره‌وشه‌كا گه‌له‌ك نه‌باش دا ده‌رباز دبن هه‌رچنه‌بیت ب ئاشكرا كرنا تاوانباران و سزادانا وان ب شێوه‌یه‌كێ عادیلانه‌ ئارامیه‌ك ل ناڤ ده‌رونێ وان دا دروست بیت.
دربه‌ند حسێنی ئه‌و چه‌نده‌ ژی گوت كو وان گومان لسه‌ر ده‌زگه‌هێن ئه‌منی و حكومه‌تێ هه‌نه‌ د كه‌یسێ برایێ وان دا كو هند تشت دهێنه‌ ڤه‌شارتن ژبه‌ر كو ل دهوكێ ل ده‌مێ دروست بونا هه‌ر رویدانه‌كێ ئێكسه‌ر تاوانبار دهێنه‌ ئاشكراكرن لێ دوو ساله‌ هێشتا بكوژێن برایێ وان دبه‌رزه‌نه‌ و دیاركر ژی كو ئێك ژ گومانێن ل ده‌ڤ وان دروست بوین ئه‌وبو كو تومارێن كامیره‌یێن چاڤدێریێ یێن روژا برایێ وان هاتیه‌ تیروركرن هه‌می هاتینه‌ ژێبرن و ئه‌ڤه‌ به‌لگه‌یه‌ كو ده‌زگه‌هێن ئه‌منی ئه‌وێن ڤه‌كولینێ دكه‌ن ل دویڤ چێ چه‌ندێ بچن كا بوچ تومارێن وێ روژێ هاتینه‌ ژێبرن.
هه‌روه‌ها دداخویانیه‌كێ دا خه‌تاب عومه‌ر پارێزه‌رێ كه‌یسا روژنامه‌ڤان وه‌داد حسێن ی راگه‌هاند كو پشتی بورینا دوو سالان لسه‌ر كه‌یسا وی كو ل دیڤ ماده‌یێ 406 هاتیه‌ ڤه‌كرن و تانوكه‌ بتنێ یاكو وه‌ك یاسا كار لسه‌ر كه‌یسی هاتیه‌ كرن بتنێ گوتنێن مالباتاوی هاتینه‌ وه‌رگرتن وه‌ك سكالاكار و شاهد حال لسه‌ر بویه‌رێ و دوماهیك پێنگاڤ ژی هاڤێتیه‌ هاڤێتن ئه‌وه‌ كو دادگه‌هێ دوو ناڤ بێی ناڤێن بابێن وان ژی د ئاشكرا بن كو داخواز ژمالباتا وه‌داتی هاتیه‌ كرن بهێن شه‌هده‌یێ لسه‌ر بده‌ن كا ئایا ڤان كه‌سان د نیاسن یان نه‌ و وه‌كو یاسا ڤێ چه‌ندێ هیچ هێزه‌ك نینه‌ د كه‌یسی دا نینه‌ و تانوكه‌ ژی چ به‌لگه‌ لسه‌ر كه‌یسێ نه‌هاتینه‌ ب یاسایی كرن.
پارێزه‌رێ كه‌یسا وه‌دادی دیار كر ژی كو خه‌مساریه‌كا به‌رچاڤ دهێته‌ دیتن ژلایێ لایه‌نێن حكومی و یاسایی ژی ل پارێزگه‌ها دهوكێ دكه‌یسێ وه‌داتی دا و پێتڤی یه‌ رایا گشتی بهێته‌ لڤاندن بو وێ چه‌ندێ كو ئه‌ڤ كه‌یسه‌ نه‌هێته‌ ب لارێ برن و خوینا وه‌داتی ب هه‌روه‌ بچیت.