ژبادينان بۆ قه‌يسه‌رێ، شهاده‌تا رۆژنامه‌گه‌ريا ئازاد سه‌رده‌شت عوسمان
ژبادينان بۆ قه‌يسه‌رێ، شهاده‌تا رۆژنامه‌گه‌ريا ئازاد
سه‌رده‌شت عوسمان
رۆژ دته‌نگه‌تاريا، زڤستانه‌كا قه‌رسى دا، خه‌تمى بۆ
شه‌ڤ دهه‌وارا، بانگينه‌كا بێ به‌رسڤ دا، خه‌ندقى بۆ
ئه‌و ده‌نگێ، دناڤا به‌رايێ دا، بويه بۆركان
دگه‌ل قه‌ب قه‌با كه‌وێن، سه‌رێ چيا…
دگه‌ل ژه‌نينا، بلورا شڤانه‌كێ عاشق دا، بويه په‌يام…
په‌يام نامه‌يه‌كا، ڤه‌كرى بۆ…
ژنه‌خشێ لويله‌په‌را، بعه‌ترو مسك و عومبه‌رێن، موكسێ…
هاتيه نه‌خشاندن …
دناڤ پاخلا، شه‌نگه‌بێريه‌كێ دا، هاتيه وه‌شاندن…
بخوناڤا، شه‌نگه‌شوخه‌كا، لێڤ شه‌كرى، هاتيه ره‌شاندن…
نامه درێدا بۆ… شه‌ڤ دره‌نگى بۆ…
پاته‌خت دبێ ده‌نگيا خۆدا، بێ پێژن بۆ….
ئه‌و بولبولێ، ده‌نگ زولال…
كه‌وێ، رۆبادێ، هه‌رده‌م دقه‌بيا…
ده‌نگێ وى، گازيا هه‌ژارابۆ….
قه‌له‌مێ وى بيست و چار سه‌عه‌تان، نه‌دوه‌ستيا…
هه‌ردهونى …. دنڤێسا….
رۆپه‌لێن، دێرۆكا شه‌هيدان…
قاره‌مانيێن، جه‌نگاوه‌رێن، پێشمه‌رگه و گه‌ريلا…
داستانێن وان… تومار دكرن.
پسيار ل ماف و ئازاديێن… گه‌لێ خۆيێ، قاره‌مان دكرن…
ئه‌و خه‌مخورێ دوزا، ته‌ڤ مروڤان بۆ…..
ده‌نگ و ره‌نگێ، وه‌لاته‌كێ، تژى زولم و زوردارى بۆ…
رۆژ بونه شه‌ڤ…شه‌ڤ بدوماهيك نه‌هاتن…
ئه‌و هه‌رڤه‌ما … نه‌ڤه‌گه‌ريا….
ئه‌و وه‌حشێ، هه‌مى رێك و رێباز…پاوان كرين….!!
دنهالا زكێ خودا، كرينه هات وبات…
هه‌مى مه‌شخه‌ل و چرا، ژروژا، رۆناهيێ ته‌مراندين…
نه‌خشه و پلان، ئالزاندين…
نامه و په‌يكێ… ئازاديا، وه‌لاتێ من…
ئه‌و شاهێ، سوارێن دگوتنێ (سه‌رده‌شت عوسمان) …
دگه‌ل خودا ره‌ڤاند و دزۆلماته‌يا، گونهباريێن خۆدا…
جه‌سته، لێ كوشت…
هزرێن وى بۆنه… ده‌ريايه‌كا ئازادى، ئازراندى….
خه‌تيره‌كا ئازاديێ…. ل وه‌لاتێ مه، ديسان ڤه‌مراند…!!
ها ئه‌و گه‌لێ، بكولاتيا سالا، خه‌بات و قوربانى …
بۆ ئازاديا، گه‌ل و وه‌لاتێ خۆ داين…كائازادى…!!
ها ئه‌و سولتانێ، گه‌لێ ته، ده‌ريايه‌كا خوينێ دايى…
بۆ ئازاديا، گه‌له‌كێ بن ده‌ست….
بۆ رزگاريا، وه‌لاته‌كێ زۆلم ديتى…
كائازادى…كانێ ئه‌ۆ سوزوپه‌يمانێن، هه‌ررۆژ ته‌داين….!!
دميحرابا شه‌ره‌فێ دا….هندى گه‌ريام، شه‌ره‌ف نه‌بۆ….
ل ڤى وه‌لاتى ده‌ستهه‌لات، بێ شه‌ره‌ف ژدايك بۆ …
من دئه‌رناڤێ، ناڤداريێ دا، ئه‌خلاق نه‌ديت…
چونكى، ل ڤى وه‌لاتى، ئه‌خلاقێ به‌رز….فهێتيه…
بێ ئه‌خلاقى… بره‌واجترين، سه‌رده‌رى يه…….!!
هاره‌شه‌كێن، سولتانێ هار….
ژكاڤلوژانكێ، زۆلماتا خۆ، ده‌ركه‌ڤن….!!
ئه‌ڤروكه رۆژ، رۆژا هه‌وه‌يه…..
لێ سوباهى، خاترخاستنا، رۆژا هه‌وه‌يه….
سۆباهى… دووماهيك رۆژ، روژا هه‌وه‌يه……!!
اكرم خالد عبدالكريم(سيد اكرم)/دهوك
4 / 5 / 2016